Forord 

Samandrag 

Bakgrunn
- bystyret er oppdragsgivar
- forstudie
- forprosjekt

Flora- samfunnet
- kommunen si rolle i lokalsamfunnet
- Flora har eit godt utgangspunkt
- spesielle utfordringar

Flora kommune sitt tenestetilbod
- utgangspunkt
- langsiktige mål og strategiar
- felles utfordringar i teneste- produksjon
-oppvekstområdet
-omsorgsområdet

Den kommunale organisasjonen
- utgangspunktet
- langsiktige mål og strategiar
- fellesutfordringar
-Utfordringar og tiltak
- organisasjonen
- tenestetorg
- styring
- administrasjon

Kommunal økonomi
- utgangspunktet
- langsiktige mål og strategiar
- sentrale utfordringar
- hovudgrep
- økonomisk oversikt

Gjennomføring

Særlege utfordringar innanfor omsorgsområdet

I delprosjekt 4 vart generelle mål for dei kommunale omsorgstenestene skissert  - mål som kan vere vanskeleg å oppfylle samtidig. Etter prosjektgruppa si oppfatning er dette dei viktigaste dilemmaene.

Med ein svak auke i talet eldre og ein klar auke i behovet for heimetenester til funksjonshemma, vert det ei spesielt stor utfordring i ein periode med vanskeleg kommuneøkonomi, å tilpasse tenestene kvalitetsmessig og i omfang. Prosjektgruppa har lagt til grunn at kommunen må prioritere at alle med nødvendige omsorgsbehov, får hjelp innanfor dei rammene økonomien i kommunen tillet. Det kan bety at tenestetilbodet kan måtte endrast monaleg både i form og innhald i høve til i dag

Dei tradisjonelle institusjonsmodellane der brukaren mottek eit totaltilbod til ei kvar tid, har vore oppfatta slik at dei tek vare på verdien tryggleik og mindre av verdien valfridom, medan for heimetenestene er det omvendt. Utviklinga dei seinare åra har gjort at desse tiltakstypane har nærma seg kvarandre i måten omsorgstenestene blir gitt på. Prosjektgruppa har lagt til grunn at framtidas brukarar i sterkare grad enn i dag vil legge vekt på valfridom, og at dette må få konsekvensar for utbyggingsmønsteret

Prosjektgruppa har med dette som bakgrunn formulert nokre hovudretningar eller strategiar for den vidare utvikling, slik mandatet for gruppa krev. Eit viktig vegval er kva for funksjonar som institusjonane bør dekke i framtida. Gruppa vil peike på den utvikling som er på gang i retning av å skilje butilbodet og behandlingstilbodet mest mogleg, noko som vil bety at alle langvarige butilbod blir sett på som bustad - og ikkje som institusjon. Med stadig fleire brukarar med store behov vil det, innanfor den økonomiske ramma prosjektgruppa har fått i mandatet, ikkje vere mogeleg å dekke omsorgsbehovet til ein like stor del av brukargruppene innanfor institusjonstenesta. Det betyr at institusjonsomsorga i første rekke må vere reservert for personar som ikkje kan få nødvendig omsorgsteneste utan at dette blir kombinert med eit butilbod

Det betyr at institusjonane bør dekke følgjande funksjonar:

1.       Plassar for personar med demenssjukdomar med behov for heildøgns pleie- og omsorg 

2.       Korttidsplassar og dagplassar for medisinsk rehabilitering og avlasting for pårørande. Dette inkluderer også terminal pleie. 

3.       Langtidsplassar for eldre med omfattande fysisk funksjonshemming 

Dei praktiske konsekvensane av desse vurderingane har prosjektgruppa oppsummert i tiltaka nedanfor. Rekkjefølgja er ikkje uttrykk for prioritering eller viktigheit

Tiltak:

1.    Monaleg omlegging i bruken av Flora aldersheim dersom det mest radikale alternativet for reduksjon i rammene skal realiserast

2.    Utbygging av omsorgsbustader for alle grupper, med høve til differensiering            etter behov

3.    Prioritering av differensierte tiltak for demente

4.    Omlegging i bruken av Flora sjukeheim

5.    Styrking av dagtilbodet til demente

6.    Nye bugrupper for psykisk utviklingshemma

7.    Betre ressursbruk i butiltaka for dei psykisk utviklingshemma

8.    Ei vesentleg styrking av heimetenestene

9.    Vidare utvikling av tilboda til personar med psykiske lidingar slik     handlingsplanen for psykiatrien legg opp til.

Andre tiltak:

1.    Utvikling av kvaliteten på tenestene 

2.    Rekruttering av nøkkelpersonale det er mangel på i landet 

3.    Meir effektiv organisering av tenestene

10 % reduksjon i nettoutgiftene til omsorgsområdet

I forprosjektet har ein sett på ulike økonomiske alternativ for institusjon- og den opne omsorga framover. På grunn at det totale økonomiske omstillingsbehovet (22,5 mill. kroner), er det alternativet med 10 % reduksjon i nettodriftsutgifter som framstår som det mest aktuelle. 
For å klare dette resultatet må ein gjennomføre tiltak som med økonomisk effekt vert lista slik:
Det har i alt vore vurdert 4 alternativ innanfor dette område. Med grunngjevinga ovanfor vert alternativ 1 utgreidd her, men dei andre vert lista med forventa innsparing og talet på institusjonsplassar.

ALTERNATIV 1

Flora sjukeheim                      50 plassar

Flora omsorgssenter               16 plassar

Allhuset Eikefjord                    8 plassar

Dagplassar                              35 plassar

Sum institusjonsplassar        109 plassar

Dette alternativet har dessutan flg. endringar i høve til dagens drift:

1.         Flora omsorgssenter vert nytta til dagsenter, eit senter for demens med m.a. 16 institusjonsplassar (8+8) og til senter for heimetenestene i Florø

2.         All dagsenterdrift med unntak for Allhuset i Eikefjord er flytta til Flora omsorgssenter

3.         Heimetenestene er styrkja med 14-16 årsverk etter omstillingsperioden (4,2 mill. kr.)

4.         Det er føresett at kommunen sin andel av ombygginga av Flora aldersheim i dette alternativet vil bli 8 mill. kr. Av tidsmessige årsaker har det ikkje vore mogeleg for gruppa å få fram ei konkret bygningsmessig vurdering.  Det kan bety at ein ikkje kan utelukke at gode alternative løysingar kan etablerast i eksisterande bygning.

5.         Drifta av dagsenteret vert styrkja med ei stilling i tillegg til  ressursar som vert overført frå Flora sjukeheim  ( kr. 300000,-).

6.         Ny bugruppe for brukarar med behov for hjelp på institusjonsnivå på 8 plassar i Eikefjord. Meirutgiftene for drift av desse plassane for arbeidslaget i Allhuset er kalkulert til 1,45 mill. kr. ved full drift.

ALTERNATIV 2 (5% reduksjon i 2004)

         I dette alternativet er institusjonskapasiteten flg

ALTERNATIV 3 (10% reduksjon i 2004)

I dette alternativet er institusjonskapasiteten flg.

ALTERNATIV 4 (2,5 % reduksjon i 2004)

I dette alternativet er institusjonskapasiteten flg.

I tillegg er eit femte alternativ utgreidd.  Dette byggjer på ei ordning med 126 institusjonsplassar

Dette alternativet har dessutan flg. endringar i høve til dagens drift: 

-           Flora omsorgssenter vert frå 2003 nytta til dagsenter, 41 sjukeheimsplassar. Av desse er det føresett 20-21 plassar for demente. I tillegg kommer base for heimetenestene. 

-           Heimetenestene er styrkja med 8-9 årsverk etter omstillingsperioden (2,4 mill. kr. i 2004) 

-           Det er føresett at kommunen sin andel av ombygginga av Flora aldersheim        i dette alternativet vil bli 23 mill. kr. Det ikkje føresett endringar i       eksisterande bygning. 

-           Dagsenterdrifta vil i heile perioden bli som i i dag både ressursmessig og i          talet på plassar. 

-           Tilbod til tiltak for funksjonshemma vert organisert i eiga tenesteeining   som gjev ei innsparing på 0,5 mill. kr. 

-           Tilbodet til funksjonshemma vert auka med 2,5 mill. kr. for å gje eit tilbod til nye brukarar. 

-           Det er føresett at det bør bereknast omstillingskostnader på kr. 500 000,-  i åra 2001-2003. 

-           Styrking av Jacob Sandevei med 1,5 millionar kroner er vidareført for heile perioden 2001-2004

Konsekvensar for det totale tilbodet i samanlikning med dei andre alternativa frå prosjektgruppa: