1.2 Florasamfunnet

Kommunen si rolle i lokalsamfunnet

Når ein skal drøfte omstilling i den kommunale organisasjon, må ein sjå på kva rolle kommunen har i lokalsamfunnet.

I dagens kommune-Norge er fokus retta mot kommunen som tenesteleverandør (skule, omsorg osv.). I tillegg har kommunen lokal forvaltning av ei rekkje lover og utøver i samband med dette mynde over innbyggarar, næringsliv og lokalsamfunn. Vidare spelar ein god del kommunar ei aktiv rolle som tilretteleggar og utviklar av næringsliv og busetting. Nokre kommunar driv i tillegg forretningsmessig verksemd.

I ei drøfting av den samla prioritering av den kommunale ressursbruken, er det grunn til å trekkje fram dette grunnleggande perspektivet:

1. Kva er dei kommunale oppgåvene som kommunen må løyse ?

2. Kva er dei oppgåvene kommunen bør eller kan løyse ?

Ein del av den kommunale omstillinga blir ofte at kommunen må trekkje noko av ambisjonane sine på bør- og kan-områda attende for å konsentrere seg om å bli ein effektiv organisasjon innanfor må-oppgåvene.

Flora har eit godt utgangspunkt

Samla sett må ein seie at Florasamfunnet har eit godt utgangspunkt for dei neste 10-åra:

- Kommunen har hatt jamn vekst i folketalet på heile 90-talet (1,3 % pr. år) noko som er teikn på eit attraktivt samfunn med gode tilbod og eit aktiv næringsliv

- Kommunen er godt posisjonert i høve til to av samfunnet sine viktigaste vekstnæringar – offshore/olje og aquakultur/fisk

- Samtidig har kommunen godt med verksemder både innan offentleg og privat tenesteyting

Spesielle utfordringar

Når det gjeld spesielle utfordringar for Florasamfunnet, vil ein også her trekkje fram tre forhold:

- Å stabilisere kommunen sin økonomi slik at ein kan gi innbyggarane eit forutsigbart og kvalitativt godt tenestetilbud innafor kommunen sine basistenester

- Å gjere tilpassingar i kommunen sine tenestestruktur i takt med endringar i behov og folketal i kommunen sine grender og øyar

- Å auke tilbodet at næringar og arbeidsplassar som gjer at godt utdanna ungdom finn utfordrande arbeidsplassar og ønskjer seg tilbake til Flora (kompetansenæringane)