- Reiste de ut av bygda for å treffe ungdommar?
- Eg meiner om de reiste på stemne og slike ting? Ja, det var høve til å reise på stemne. Dei var av kristeleg art.
- Korleis var reisemåten når de skulle på slike stemner?
- Vi måtte ofte ro i båt.
- Var der dansefestar i nabolaget?
- Ikkje som eg veit om, men når det var bryllaup så var det dans.
- Kva slags musikk var det dei brukte då?
- Det var trekkspel.
- Noko særleg dans utanom bryllaupa var de vel ikkje?
- Nei, det trur eg ikkje.
- I våre dagar har vi forskjellige ungdomsideal, popstjerner, filmstjerner og idrettsfolk. Korleis var forholdet til klær og motar i den tid?
- Vi hadde ikkje motar.
- De fylgde ikkje moten, men det verka vel inn?
- Ja, det verka inn på mønsteret og symåten.
- Det var ikkje heilt utanfor dette med moten Nei, Vi hadde …………tidende heime.
- Korleis var det med alkohol og tobakk i di tid?
- Tobakken var i bruk.
- Korleis var det med alkoholen då?
- Det kjenner eg ikkje til.
- Var folk ut å reiste på den tid?
- Kor reiste de når de skulle avstad og handle?
- Det var til Fure.
- Men dersom de skulle ha større ting?
- Då reiste me til Bergen ein gong i året.
- Dei som hadde større inntekt. Korleis var det de reiste då, var det med Fylkesbaatane?
- Ja, det var med Fylkesbaatane.
- Kan du hugse kor mykje dei betalte for å få fylgje dei?
- Nei.
- Korleis var forholda på desse båtane?
- Vi reiste på tredje klasse. Det var to klassar på Fylkesbaatane.Vi reiste på billegaste måte.
- Kunne det ofte vere overfylt med folk?
- Det var alltid fullt av folk.
- Var det reinsleg ombord i desse båtane?
- Eg kan ikkje seie at der ikkje var reint.
- Du hugsar vel til overgangen frå robåt til motorbåt?
- Ja.
- Hadde de motorbåt?
- Ja, det fekk vi når den kom.
- Kor tid kunne det vere då?
- Eg kan ikkje hugse at far hadde motorbåt. Eg kan hugse første gongen vi såg motorbåtane. Det var eit storhende det? Ja, det var eit storhende.
Intervjuar:Arne Færøyvik
Stad:Vevring
Dato, år:17/4 1984
Forteljar: Laila Rotnes
Fødselsår, stad: 1894 Furesund
Adresse: Florø
Hovudyrke (også tidlegare) sjukepleiar.
Tal sysken:(inkl.forteljar): 9
Utdanning: Folkeskule, sjukepleiarskule.
Gift når:
Tal barn:
Mors yrke: Husmor
Fars yrke: Bonde og fiskar
